پاکستان کی قومی اسمبلی کے اجلاس میں مہمان خصوصی کی حیثیت سے اسلامی جمہوریہ ایران کے سفیر کی شرکت

اسلامی جمہوریہ ایران کے پاکستان میں سفیر، جناب ڈاکٹر رضا امیری مقدم نے 15 جون 2026 کو پاکستان کی قومی اسمبلی کے باضابطہ اجلاس میں مہمان خصوصی کی حیثیت سے شرکت کی۔ جناب سفیر نے قومی اسمبلی کے معزز اسپیکر، سردار ایاز صادق کی دعوت پر پارلیمان کے اجلاس میں شرکت کی، جہاں اراکینِ قومی اسمبلی، وفاقی کابینہ کے معزز اراکین اور ملک کی ممتاز سیاسی شخصیات نے ان کا پرتپاک استقبال کیا۔

        اسلامی جمہوریہ ایران کے پاکستان میں سفیر، جناب ڈاکٹر رضا امیری مقدم نے 15 جون  2026 کو پاکستان کی قومی اسمبلی کے باضابطہ اجلاس میں مہمان خصوصی کی حیثیت سے شرکت کی۔

       جناب سفیر نے قومی اسمبلی کے معزز اسپیکر، سردار ایاز صادق کی دعوت پر پارلیمان کے اجلاس میں شرکت کی، جہاں اراکینِ قومی اسمبلی، وفاقی کابینہ کے معزز اراکین اور ملک کی ممتاز سیاسی شخصیات نے ان کا پرتپاک استقبال کیا۔

     اجلاس کے دوران حکومتی اعلی عہدیداروں اور قومی اسمبلی کے اراکین نے جنگ بندی اور کشیدگی کے خاتمے کے معاہدے پر اسلامی جمہوریہ ایران کے سفیر اور برادر ایرانی عوام کو مبارک باد پیش کی اور اس پیش رفت کو خطے میں امن و استحکام کے فروغ کے لیے ایک مثبت اور اہم قدم قرار دیا۔

اس موقع پر پاکستان کے معزز وزیرِ اعظم، جناب محمد شہباز شریف نے تہران کی دانشمندانہ سفارت کاری اور تعمیری کردار کو سراہتے ہوئے اپنے خطاب میں کہا:

*"میں اس معزز ایوان کے توسط سے ایران کے سپریم لیڈر، حضرت آیت اللہ العظمیٰ سید مجتبیٰ خامنہ ای، اور اپنے عزیز بھائی، اسلامی جمہوریہ ایران کے صدر، جناب ڈاکٹر مسعود پزشکیان کا تہِ دل سے شکریہ ادا کرتا ہوں۔ میں اس تاریخی موقع پر پاکستان کے عوام سمیت دنیا بھر کی تمام امن پسند اقوام اور حکومتوں کو مبارک باد پیش کرتا ہوں۔"*

قومی اسمبلی کے اس اہم اجلاس کی کارروائی پاکستان ٹیلی وژن سمیت ملک کے متعدد قومی اور نجی نیوز چینلز پر براہِ راست نشر کی گئی۔

پارلیمانی اجلاس کے آغاز سے قبل، جناب ڈاکٹر رضا امیری مقدم نے قومی اسمبلی کے معزز اسپیکر سردار ایاز صادق سے علیحدہ ملاقات بھی کی۔ اس ملاقات میں انہوں نے خطے میں کشیدگی میں کمی، مذاکرات کے فروغ، اور امن و استحکام کے قیام کے لیے پاکستان کی مخلصانہ سیاسی اور سفارتی کوششوں کو سراہتے ہوئے پاکستان کی حکومت اور قیادت کا شکریہ ادا کیا۔

جناب سفیر نے اس امید کا اظہار کیا کہ دونوں برادر اور ہمسایہ ممالک باہمی تعاون، تعمیری مکالمے اور مشترکہ کوششوں کے ذریعے خطے میں پائیدار امن، استحکام اور خوشحالی کے فروغ میں اپنا مؤثر کردار ادا کرتے رہیں گے۔